Meer promotie - Huus van de Taol

Op vrijdag 18 oktober kuj mitdoen an een ontdekkingstocht langs literaire hoogtepunten, beelden en monumenten in Zuud-Oost Drenthe. Het landschap van het Zudenveld / Zuud-Oost Drenthe en de geschiedenis van dit gebied hebt deur de jaoren hen veul schrievers inspireerd. Harm Jan Lesschen zal oe op die literaire dag, die van 9.30 tot ongeveer 17.30 uur zal duren, mitnemen langs verrassende plekkies en oe van alles vertellen over de schrievers uut dit gebied. De tocht begunt in het Drents Archief in Assen. Anmelden kan bij Arriva Touring per e-mail via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of tijdens kantoortijden telefonisch op 050-5260268. De pries is € 69 per persoon (met busreis en lunch). Lees het persbericht.

Op zaoterdag 7 september was 't zo wied. Een koppeltie lezers fietst met schriever Anne Doornbos met. De tocht giet langs plekkies oet de Drèentse thriller De Paddenvanger. Van Hofsteenge in Raol, langs Hofsteenge in Grol naor Hofsteenge in Raol.

Ien van de dielnimmers schreef laoter: "Het was een gezellige dag en prima verzorgd door het Huus van de Taol. Mijn hartelijke dank hiervoor. De schrijver kan niet alleen goed schrijven en mooi voorlezen, maar is ook een prettige verteller. Jammer voor al die mensen die dit gemist hebben."

Kiek op Youtube of Facebook veur een schier filmpie van lestleden zaoterdag.

 

 

 

Geern wil ik mij langs dizze weg even veurstellen aan alle bezukers van oeze webstee. Mien naom is Renate Snoeijing en ik bin op 2 september begund as neie directeur van het Huus van de Taol.

Geboren en opgruid in het jongste dörp van Drenthe: Witteveen. Waor mien overgrootolders in 1926 met een sikke an ‘t touw het dörp binnenkwamen as eerste inwoners.

Nao mien VWO-exaomen in 1988 vun ik het tied um de wiede wereld in te trekken. Ik gung hielemaol allennig naor Parijs, wat in die tied as de aandere kant van de wereld vuulde (de Thalys mus naomelijk nog uutvunden worden, de mobiele tillefoon kwam pas een paor jaor laoter en van internet hadden wij in die tied hielemaol nog niks heurd). Nao een jaor Frankriek gung ik studeren in Breda en toen dat klaor was, ben ik eerst nog maor ies even een jaor of zes in het westen van ‘t land gaon wonen.

Tegenwoordig woon ik al ruum 10 jaor weer in Drenthe, waor ik mij op mien best vuul. Niks lekkerder dan gewoon in joen eigen taol mit mekaor te kunnen praoten!

Ik woon in Emmen met mien vriendin Marjolijn en de helft van de weke is mien dochter Tess van 7 jaor ook bie oons.

Met het Huus van de Taol wil ik kieken hoe we d’r met zien allen veur zörgen kunt, dat we nog meer mèensen bereikt en veural ok dat nog meer mèensen groots bint op de Drentse taol. Ik bin er in elk geval slim wies met!

Aj nog schiere suggesties of ideeën hebt waor wij met an de slag kunt, dan heur ik dat geern! Mail mij dan op Dit e-mailadres wordt beveiligd tegen spambots. JavaScript dient ingeschakeld te zijn om het te bekijken..

Vanof nou kuj weer risseveren! Taal an Taofel is een vast begrip veur elkenien met liefde veur de Drèentse literatuur en meziek. In drie dörpen in Drenthe (Vreeis, Dwingel en Noord-Slien) kuj op zundagmörgens luustern naor Nedersaksische schrievers en hun gedichten en verhaolen en naor streektaolmeziek. 't Begunt steevast um 11.00 uur en um 14.00 uur is 't daon. Veur € 19,-- kriej der ok nog warm eten bij! Kiek op de folder veur wel der op het podium komp.

Boeten de Taal-an-Taofelmörgens is der een bizundere ofsluting in meert 2020. Dat nuum we Taal an Taofels met een extra S. In Westerbörk loop ie van zaol naor zaol veur een gedichten workshop, verhaolen, meziek en teniel. Het begunt um 14.00 uur en um 17.15 uur giet elkenien an taofel veur warm eten! De kosten bint € 25,00 p.p. Maor aj 3 keer bie een reguliere Taal an Taofel kommen, kuj € 5,- körting kriegen (met een stempelkaort).

Heb ie met mekaor een mooie keet of een schiere soos? Wil ie daor met een mooi Drents woord wat nóg mooiers van maken? Bel, mail of twitter met het Huus van de Taol veur meer informatie!

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of 0593-371010   images

Het Huus van de Taol in Beilen stimuleert het gebruuk van het Drents deur activiteiten te organiseren op het gebied van schrieverij, meziek, taolpromotie, taolwetenschap en onderwies. Wij viendt streektaol slim weerdevol en wilt vanuut cultureel en taolkundig oogpunt actief het Drents uutdragen.

Dit jaor doew dat met het project ‘Drentse k(r)eet!’. Wij daagt jongern uut um creatief te wezen, maor nog meer um de mooiste Drentse kreten vast te leggen. Ie gaot zölf bedenken wat veur mooie kreet of mooi woord in het Drents op oen keet of soos past. Dit woord, dizze kreet wordt dan in of op de keet of soos emaakt. Dit kan samen met een (graffiti)artiest, maor as der creatievelingen in de groep zit, mugt die natuurlijk zölf methelpen!

 

Veur hiel wat tenielverienigings is 't tied veur de zuuktocht naor een schier tenielstuk. Kiek dan ok ies hier boven: PROMOTIE VAN DE DRENTSE TAOL / TENIEL / TENIELSTUKKEN. Geregeld komp der een nei stuk bij. Dizze maond "Oti en Kleinkind" en "Schoelkamp".

OTIE EN KLEINKIND is schreven deur Josh Hassing van musicalgroep "Odoorn" oet Oring. Het is een aovendvullend stuk veur 3 mannen en 4 vrouwen plus een koortie.

SCHOELKAMP is schreven deur Marianne Braam van Toneelverieniging "Crescendo" oet Gieterveen. Dizze ienakter wordt speuld deur 4 mannen en 4 vrouwen.

Pagina 1 van 95